बाँके कारागारका एकजना वृद्ध थुनुवा (कैदी)को मृत्यु भएको छ । नेपालगञ्ज उपमहानगरपालिका वडा नं. ८ का ६६ वर्षीय (वृद्ध कैदी) अब्दुलवारी जोलाहको हृदयघातका कारण मृत्यु भएको कारागारका प्रमुख जेलर अर्जनजङ्ग शाहले बताए ।
कारागार प्रमुख शाहका अनुसार आज बिहान ४:१५ बजे तिर मृतक जोलाहको एक्कासि छाती दुखेपछि उपचारका लागि तत्काल भेरी अस्पताल लगिएको तर पुर्याएलगत्तै चिकित्सकले मृत घोषणा गरेका हुन् ।