नेपाल भ्रमणमा आएका कतारका राजा अमिर शेख तमिम बिन हमाद अल थानीलाई नेपालले दुईवटा हात्ती उपहार दिने तयारी गरेको छ।
सौराहास्थित चितवन राष्ट्रिय निकुञ्जको हात्ती प्रजनन तथा तालिम केन्द्र खोरसरमा रहेको भाले छावा ‘खगेन्द्रप्रसाद’ र पोथी छावा ‘रुद्रकली’ अमिरलाई दिने तयारी गरिएको चितवन राष्ट्रिय निकुन्जका प्रमुख संरक्षण अधिकृत दिलबहादुर पुर्जा पुनले जानकारी दिए । दुबै हात्ती तालीम प्राप्त हुन । उपहार दिने हात्तीको स्वास्थ्य परीक्षण समेत गरिएको र ती दुवै हात्तीको स्वास्थ्यमा कुनै समस्या नरहेको निकुन्ज कार्यालयले जनाएको छ ।
नेपालले कतारलाई पहिलो पटक हात्ती उपहार दिन लागेको हो । नेपालले यस अघि गैडा, बाघ लगायतका जनावर उपहार दिएपनि हात्ती उपहार दिएको यो पहिलो पटक हो ।